تاريخ الإضافة :12/28/2016 12:00:00 AM

بيتها مكركب


بس أولادها لعبوا كثيييير اليوم وانبسطوا ... ❤ 

أكلت هي و زوجها  أكل بسيط بس كان  أكل صحي ومفيد للأولاد...❤ 


سلة الغسيل مليانه..

بس الأولاد اتحممو ولبسوا ملابس نظيفة وريحتها حلوة...❤ المواعين بالمجلى من أمس الليل...

بس قرأت قصص لأولادها قبل النوم وجلست تسولف معاهم  لأنها ماتخليهم يتفرجون على التليفزيون و تخاف عليهم منه ولا يجلسون فترات طويله مع الاجهزه..مالحقت ترتب السرير...

بس ماتركت صغيرها يبكي وحضنته وماردت على أحد لما يقولون لها اتركيه يسكت لحاله ... مالحقت تكنس و تلمع كل البيت😏 ...بس الأولاد اليوم اتعلموا أشياء كثيييرة و  مفيدة في مجالات كثيرة... ما طوت كل الغسيل و كل الملابس !!!! بس اتحممت و جلست تقرأ و تستمتع بوقتها وهي تشرب نسكافيه أو قهوتها المفضله حتى تقدر تكمل وتواصل.. لو زوجها قال لها  وش جالسة تسوين طول اليوم؟؟؟؟ قولي له تربي إنسان....❤

تبني آدمي ما عنده عقد ولا مشاكل.. تحاول أستبدل ما هو أدني بالذي هو خير ..

شغل البيت ممكن يتأخر شوي ... والمواعين ما راح تبكي بالمجلى


ولا الخزانه عندها مشاعر وأحاسيس و تتضايق لو الملابس ما انطوت....

بس الأولاد عندهم مشاعر وأحاسيس...

عندهم كيان لازم نساعدهم يبنونه  بدل ما نكون أمهات أي كلام ونطلع جيل  من التوافه والإمعات مالهم أهداف ولا قيم حتى من الدين،، ولله المشتكى 😪


موضوع بسيط وباسلوب عامي كتبته لكن واقع الكثير منا يالأمهات نهتم بالشكليات وبكلام الناس وبالزوج خاصة وننسى أنفسنا وعيالنا وتتراكم علينا الامراض والهموم والصدمات من كل مكان 

دائما الوسط هو الأفضل لاإفراط ولا تفريط ❤



بقلم شريفة الأيوب

باحثه اجتماعيه
shreefa1979
 03/12/2016



Designed by ideasoftadv.com & developmented by Firstoneit.com